前两日举行嘅

第44届香港电影金像奖

揭晓咗各项获奖名单

唔知最后嘅结果

係咪你哋嘅心水咧

廖子妤爆冷

凭借《像我这样的爱情》

首次被提名“最佳女主角”

就成功上位

梁家辉第五次荣获

金像奖“最佳男主角”称号

似乎係众望所归

而成晚嘅大赢家

当属“都市传说”之一

被积压超过8年嘅

《风林火山》

唔少网友觉得

“金像奖”越来越趋向本土电影

而越来越多冷门作品跑出

亦鼓励到新人更用心创作

▓▓▓▓▓▓▓▓▓▓▓░░░░努力加载中……

金像奖嘅“正片”固然刺激

而各组颁奖嘉宾、组合情人

喺台下都各有精彩

甚至更有睇头添

首先跑上热搜嘅

係陈家乐“左拥右抱”

风骚行上红地毡

因为同廖子妤一起

凭借《像我这样的爱情》

双双被提名“最佳”

安排佢哋挽手行红地毡

确实无可厚非

但家乐又要带埋

最爱嘅太太连诗雅出场

画面就变成

戏外老婆、戏内情人同框

和谐又有意思

主办喺红毯未玩够

上到颁奖仪式都仲要调皮

喺新增环节kiss cam中

将心心镜头定格喺

陈家乐&廖子妤身上

被定格嘅两人

原来仲嘻嘻哈哈

即刻就上演“笑容消失”

原来佢哋旁边分别坐住

自己嘅真伴侣

台上嘅嘉宾即刻打圆场

话咁玩法

分分钟“破坏”两个家庭

所以放过佢哋

而另一组“金童玉女”

係去到边都成为焦点嘅

宣萱&古天乐

喺红地毡上

古生主动拉宣萱

喺kiss cam时

又不忘“咀”返宣萱一啖

上到台上

平时“少说话多做事”嘅古生

“性情大变”转channel

从心口掏出大字报

为宣萱朗诵

“被绑架人生履历”

听似调侃，更似调情

同佢哋一样

喺台上你来我往嘅仲有

颁发“最佳原创电影歌”嘅

陈奕迅&冯德伦

冯德伦兜住圈咁话

陈奕迅身材唔好

每讲一句

就被Eason怼翻转头

两人斗嘴嘅呢一段

已经被封为

今届金像奖名场面

曾经做过“影帝”嘅谢霆锋

独自上台颁奖

大家以为冇戏睇嘅时候

霆锋突然戏瘾大爆发

同空气中嘅女声对话

原来韦罗莎

帮金像奖女神奖座配音

呢位“女神”曾经跟过霆锋返屋企

但已经係15年前嘅事

讲到霆锋自己都觉得唔好意思

“女神”质问霆锋

点解咁得闲

更攞晒佢之前忙紧嘅

厨房佬、爆单烤肠、演唱会等

各种话题出嚟调侃

最后“女声”更问

几时会再带佢返屋企

霆锋即刻趁机sell自己部

电影《怒火蔓延》会上线

好快就有机会再带“女神”返去

第44届“金像奖”咁多精彩嘢

唔知你最中意

边个moment咧

网络平台信息综合整理

一审：曾敏妍

二审：董华海

三审：骆 苹

【小程序】票巴网

【微信服务号】中国邮政微邮局

【淘宝】羊晚生活馆

都可以买到《可乐生活》

▼▼▼